خيال مآتـه

بتفكر ليه ربك

خلقك كده بالشكل ده

اختارك ابن الأم دي والأب ده..

من عيلة مستوره والقشيه معدن وكله رضا

ساكن فى حارة لقمه هنيه تكفى ميه

واللى ما يشبع من عيالها يكملها ميه

بتنام تقوم وشك مكشر

شايل هموم تنسّي عقلك

لو بالكأبه كان غيرك أشطر

خلاص خلاص وكمان بلاش

افتـّح بيبان

و كل ما هسأل

تهرب تلاوع

وتبين إنك عيل جبان

أنا بس عايزه أفهمك

إن ياما جه من ضهر باشا ولد تلفان

وياما نبت من تحت كوع الفقر أبو الجدعان

وإن اللى عايز يوهمك..

إن ربك إدالك الأربعه و عشرين قيراط

فى النطرون وفي بولاق

وإن فاسك خساره تنضرب فى هالعذاب

دي الأولى مالحه والتانيه مش أرض الميعاد

وإنه رزقهم لغيرك إشي فى فرنسا وإشي عالسحاب

وكان ايه يحصل لو تبدّل مع ابن الذوات ؟

ما هوّ إلا خيال مآتـه

فارد دراعاته فى وسط غابتك

راهن سعادتك باللى مش فى ايدين سعادتك

عايزك كده خايف تقرب م اللى عندك

لحسن تصحصح وتفوق لنفسك

وتكون أول ضربه لفاسك

نصل فى رقبة نعاستك

اللى فى الأصل خيال مآته

فاعرف ان كله واخد الأربعه وعشرين قيراط

على طله واحده ووجه بحري بالتصريفات

بس دي تصلح نخيل

ودي تصلح لمانجه

ودي لمكسرات

مش بالمزاج لأ ولا بالمزاد

لكن ربك خلقك كده بالشكل ده

لغرض فى نفسه..

ومش تفرقه ..

15 - 5 - 2011

حبيـ♥ـتك

تخيـّـل حبّـيت سنانك الصفرا
حبّـيت بَرجلتـَّـك فى الأكل واحنا عالسٌـفرا
و وحشتني عينيك الشارده من التعب
وهيا غرقانه ما بين الورق

تعرف كمان ؟
بتعجبني طريقتك فى الكلام
وحشرجة صوتك لما تزعقلي
ونعومته لما تصالحني

تعرف كمان ؟
بحب أناغشكك
أخطف سجايرك
أخبي ولاعتك
وأقعد أعاكسك
ولـَجل ما أشغلك عنهم
أفضل أكلمك عن فلان وفلان
وأتـلذذ بعينيك بتطـّق شرار
وأقولك إيه مالك ؟
بتغير؟! :)
تقول يا سلام
وتعمل زعلان
وتشخط طاب هاتي العلبه والولاعه
ويلا سلام

ألحقك بـِضحكه ..
ولمسة إيد على خدك
وأقولك مين قدك
سحرتني حتى بغلطاتك
ووهمتني بكل صفاتك
حبيتك كدا زي مانتا
ووهبت كٌـلي عشانك

تبصلي ببراءة الأطفال
تنطق تقولي
هتعيشي عمرك ليا ؟
وتحطي إيدك فى إيديا لما أشيب ؟
هتحبيني برغم التجاعيد ؟
هتفتكريني بعد ما ...

أحط إيديا على شفايفك .. متكملهاش

تحضني تقولي ..
خايفه عليا؟

تسري فى جسمي رعشه غريبه
أهمسلك ..
وإيه يسوى الواحد من غير روح ..

- صــوت صفاره -

مِـسكت إيده تـجـسّ الـنـبـض
طلعت صرخه بـِعـلو الصوت
متتسمعش برّه القلب
تاهت العين فى تفاصيل الأوضه
إنسدل الجفن

همسِـت بصوت مبحوح ..
إيه يسوى الواحد من غير روح ..

مراسم التغيير ..

‫غَيَّرَت نِظَام الاوضَه


فِى اركَانهَا طوِيَت الذِّكرَى


قَصَّيت كَمَان انَا شـَعرِي


كُنْت انتا تحِبُه طَوِيْل


مَسدول مغطِيلي كتِفي


ومِمَوّج تبّحـَر فِيْه


خَلَعْت الْحٌزن مِن تُوبي


وَفصّلت مِ الْفَرحَه جدِيد


وصِرت انَا احكِي وَاتحَاكى


بالَغنا وَالْرَقص وَالتَنطيط


قَالولِي وصَمْتِك الْجَاير ..


والْمَنْطِق الْغَاير ..


وعَقْلِك الحَاير ..


لِمِيْن رَاح يسَيبوكِي ؟ !


رَدَّيت رَاح يلاقوا لِغَيرِي سَبِيِل


لَكِن انا لِفِين وَدُونِي ؟!


وَعَلَى ايَه تَبكِي عُيُونِي ؟


عَلَى فِكر


ما وصَلَنِي


إِلَا


لِتَيْه !

مغلوبون على امرهم

ليسوا بطيبين .. لكن مغلوبون على امرهم

فهو لا يملك ان يٌخالف مديره او يٌعنفه
هي لا تملك ان تٌعاتب زوجها او تٌناقشه
هو لا يملك ذكاءا كافيا ليدافع عن مستحقاته
هي لا تملك إلا الإنصياع لاوامر والدها

هم لا يملكون خيارا غير طيبتهم
ترى إن كانو يملكون خيارات .. سيختارون الطيبه ؟!

__
ليسو بشرفاء .. لكن مغلوبون على أمرهم

فهو لا يملك ان يٌغازل امام زوجته
هي لاتملك ان تتبرج فى صحبة اخيها
هو لا يملك ان يرتشي فى وجود كاميرات
هي لا تملك إلا الوفاء لزوج يأسرها بسجن يٌسميه منزلها

هم لا يملكون خيارا غير الشرف
ترى ان كانوا يملكون خيارات .. سيختارون الشرف ؟!
__
ليست الفضائل بتصرفات و ظواهر
وليست ايضا بفروض وقواعد
بل يجب ان يكونوا خيارا ليكتسبو قيمتهم
فكلنا نعرف ان لا قيمه للنجاح بالتزكيه
وكلما احتدمت المنافسه , ارتفعت قيمة الرابح


هل احكم على شخص ترفع عن خيانة الأمانه
مثلما احكم على شخص خطط لخيانتها وفشل !!..


يجب ان يٌعطى الأنسان كامل حٌريته .. لٌيظهر معدنه

فالأنسان اللذي يٌمنع من ارتكاب الذنب .. ليس صالحا بالمعنى الحقيقي للصلاح .... ولكنه مغلوب على امره...

فلا قيمه لصلاح ينهار امام اول عاصفه شهوائيه تهب عليه
ولا يخدعنك استمرار صلاحه لتأخر العاصفه .. فهي اتيه لا محاله


انا لا يٌهمني ظاهرك .. قدر اهتمامي بكونه اختيارك .. وان تكون ولي على امرك .. وليس مغلوبا ..
30 March 2011

قضاء وقدر

لماذا فى كل مره أحدث نفسى فخوره بنسيانى لك
يحدث ما يثبت لى العكس
كُلَّمَا مزقت قصيده من قصائدك
مزقنى اشتياقى لتكرار قرائتها
وعندما أظن أننى غفلت عن تفقد اماكنك
اكتشف أنني لم أبرحها بعد
أرجوك توقف عن سحري بصمتك
وعن إشعالي بغيابك
وعن أسري فى ماضيىِّ معك
فلقد خلق لى الله حياة
لا استطيع أن أقابله بها وهى ليست مملوءه إلا بالتفكير بك والثناء عليك
ولقد أنعمنى بالكثير لأشكر وأسعد ولكنى جاحده مهمومه بك
ليتنى عدم فلا يحاسبني
ليتنى عدم كما تعتبرنى
ولكن قضائي أن خٌلِقت ...
فلن أجعل من عذابى بحبك قدر ..
ولن أتخلى او أتنازل عن طمعي بشفاء قلبى عن عشقك
وعن قدوم اليوم الذي سانسى فيه حتى اننى نسيتك ..

نصيحه :)

عندما تفقد الاحساس فى متاهة الكلمات
تيقن من ان محدثك
اما
منافقا!..
او
عاشقا!..
فى الحالتين  عليك ان تقول لا تكثر افهمك بوضوح...
المنافق سيغضب ويبتعد..
والعاشق سيبتسم و يجدها فرصه ليتقرب اليك !..:)‬

like most demo versions u have less features ...
So i'll wait 4 OBtaiNiNg the ORiGiNal VeRSioN of My PriNCe CharMiNg ! ♥ ....